Esrtorya ni Lola Kandra

Ti Pudno a Pakasaritaan da Ugsa ken Gusipeng (Part I)
(Ti Maudi a Lungba)

Kas napartak a tumataray, ni Ugsa ket ikarkaritna la unay dayta a galadna.  Uray ammo ti aminen nga agindeg iti surong nga isu ti kapartakan a tumataray ket itultuloyna latta nga ipalpalastog.

Naminsan nga aldaw  ket nasalawna ni gusipeng idiay igid ti karayan.  "Aglumbata Gusipeng ta mawatwat dagita ururatmo." Simmungbat ni Gusipeng, "agurayka ngarud ta agsaganaak."  Binagaan amin ni  Gusipeng a gusipeng iti karayan a no mangngegda ni Ugsa nga agsaludsod no adinno ti ayanmo ket sumungbatda.

Iti aldaw ti panaglungba da Ugsa ken Gusipeng ket palalo a kinalastog ni Ugsa.  Uray la agkatakatawa ti makapaasar agsipud ta ammona nga awan kalaban laban ni Gusipeng.  Inrugida ngarud ti nagtaray ket nakaadayo a dagus ni Ugsa.  Naginana bassit ni Ugsa iti igid ti karayan ket impukkawna, "Gusipeng ayanmo?" ket add a dagus simmungbat iti sursurong a kunana "Addaak ditoy pangas nga ugsa!"  Nakigtot ni Ugsa ta imununa met ni Gusipeng.  Timmakder ket pinartapartakan na ti nagtaray ket idi nakaadau manen nagsaludsod, "ayanmo Gusipeng?" ket adda manen simmungbat "addaak ditoy surong." Nakigtot nga adaddan ni Ugsa ta napartak met gayam a tumaray ni Gusipeng.